මුස්ලිම්වරු උපවාස කරන්නේ ඇයි?
නිරාහාරව සිටීම සෑම වසරකම රාමසාන් මාසය තුළ මුස්ලිම්වරුන් කරන ශ්‍රේෂ්ඨතම නමස්කාර ක්‍රියාවකි. මහෝත්තම අල්ලාහ් විසින්ම විපාක දෙන සැබෑ අවංක නමස්කාර ක්‍රියාවකි -
නිරාහාරව සිටීම හැර, මිනිසුන්ගේ සියලු ක් රියාවන් ඔවුන් වෙනුවෙන් ය. නිරාහාරව සිටීම මා වෙනුවෙන් වන අතර එයට විපාක දෙන්නේ මමයි.
Sahih al-Bukhari, 5927
සූරා අල්-බකාරාහි දී අල්ලාහ් මහෝත්තමයාණන් වහන්සේ මෙසේ පවසයි.
රමළාන් මාසය, එහි මිනිසාට මඟ පෙන්වන්නක් ලෙසත් යහමඟ පැහැදිලි කරන්නක් ලෙසත් (හොඳ නරක වෙන් කර පෙන්වන) නිර්ණායකයක් ලෙසත් අල්-කුර්ආනය පහළ කරනු ලැබීය. එබැවින් කවරෙකු එම මාසයට ප්‍රවේශ වන්නේ ද ඔහු එහි උපවාසය රකිත්වා ! තවද කවරෙකු රෝගියෙකු ව හෝ ගමනක නිරත ව සිටින්නේ ද එසේ නම් වෙනත් දින ගණන් කර(උපවාසයේ නියැළෙ)ත්වා ! අල්ලාහ් නුඹලාට පහසු ව ප්‍රිය කරයි. අපහසුතාව ඔහු ප්‍රිය නොකරයි. (මෙම සහනය) නුඹලා දින ගණන් සම්පූර්ණ කරනු පිණිස ද අල්ලාහ් නුඹලාට මඟ පෙන්වූ දෑ සඳහා ඔහු ව විභූතිමත් කරනු පිණිස ද නුඹලා කෘතඥතාව පුද කිරීමට හැකි වනු පිණිස ද වේ.
කුරාන් - 2:185(තේරුම අර්ථ නිරූපණය කිරීම)
රාමසාන් මාසය තුළ මුස්ලිම්වරුන් උපවාසයේ යෙදීමට මූලික හේතුව මෙම වැකියෙන් පැහැදිලි වේ.
අහෝ විශ්වාස කළවුනි ! නුඹලා බැතිමත් විය හැකි වනු පිණිස නුඹලාට පෙර වූවන් කෙරෙහි අනිවාර්යය කරනු ලැබුවාක් මෙන් නුඹලා කෙරෙහි ද උපවාසය අනිවාර්යය කරනු ලැබීය.
කුරාන් - 2:183(තේරුම අර්ථ නිරූපණය කිරීම)
මීට අමතරව, උපවාසයේ ගුණ බොහෝය, එනම්:
- එය කෙනෙකුගේ පව් සහ වැරදි සඳහා සමාව දීමකි.
- එය අනුමත කළ නොහැකි ආශාවන් බිඳ දැමීමේ මාධ්‍යයකි.
- එය භක්ති ක්‍රියාවන් පහසු කරයි.
නිරාහාරව සිටීම මිනිසුන්ට බොහෝ අභියෝග මතු කරයි, කුසගින්න සහ පිපාසයේ සිට බාධා වූ නින්ද රටා සහ තවත් බොහෝ දේ. ඒ සෑම එකක්ම අප මත අනිවාර්ය කර ඇති අරගලවල කොටසක් වන අතර එමඟින් අපට ඒවා ඉගෙන ගැනීමට, සංවර්ධනය කිරීමට සහ වර්ධනය වීමට හැකිය. මෙම දුෂ්කරතා අල්ලාහ්ගේ අවධානයට ලක් නොවන අතර, ඒවා පිළිබඳව ක්‍රියාශීලීව දැනුවත්ව සිටින ලෙස අපට පවසා ඇත, එවිට අපට ඔහුගෙන් ත්‍යාගශීලී විපාකයක් අපේක්ෂා කළ හැකිය. මුහම්මද් නබි තුමාගේ වදන් වලින් මෙය අවබෝධ වේ ﷺ (සල්ලල්ලාහු අලෙයිහි වසල්ලම්) :
යමෙක් රාමසාන් උපවාස කරන්නේ ඇදහිල්ලෙන් (ඉමාන්) සහ විපාකයක් අපේක්ෂාවෙන් (ඉහ්තිසාබ්) ඔහුගේ අතීත පාපයන් සියල්ලටම සමාව දෙනු ලැබේ.
Sahih al-Bukhari, 37
මූලාශ්රය:
seekersguidance.org
·
seekersguidance.org
·
seekersguidance.org
පරිවර්තනය කළා:
Asma Haniffa