"ඉන් ෂා අල්ලාහ්" (අල්ලාහ් කැමති නම්) යන ප්‍රකාශය යන්නෙන් අදහස් කරන්නේ මුස්ලිම්වරයෙකුට අල්ලාහ්ගේ කැමැත්ත මත සිදු කිරීමට අවශ්‍ය ඕනෑම අනාගත ක්‍රියාවක් කිරීමයි.

"ඉන් ෂා අල්ලාහ්" යැයි පැවසීම ඉස්ලාමයේ ආචාර ධර්මවල කොටසකි. අනාගත ක්‍රියාවක් කිරීමට තම කැමැත්ත ප්‍රකාශ කරන සෑම විටම "ඉන් ෂා අල්ලාහ්" යැයි පවසන ලෙස මුස්ලිම්වරයාට උපදෙස් දෙනු ලැබේ.

යම් කරුණක් සඳහා නියත වශයෙන්ම මම එය හෙට දින සිදු කරන්නෙමි යැයි නුඹ නොපැවසිය යුතුය. අල්ලාහ් අභිමත කරන්නේ නම් මිස. (...)

කුරාන් - 18:23-24

(තේරුම අර්ථ නිරූපණය කිරීම)

පුද්ගලයා තම අනාගත ක්‍රියාවන් සම්බන්ධයෙන් එය පවසන විට, මෙම ක්‍රියාවන් සිදු විය හැකිය හෝ සිදු නොවිය හැකිය; කෙසේ වෙතත්, ඔහු "ඉන් ෂා අල්ලාහ්" යැයි පැවසුවහොත් ඒවා සිදුවනු ඇතැයි වඩාත් බලාපොරොත්තු වේ.

සුලෙයිමාන් (සලමොන්) තුමාණන්ගේ කථාව මෙම අර්ථය පෙන්නුම් කරයි.

නබිතුමා ﷺ (සල්ලල්ලාහු අලෙයිහි වසල්ලම්) පැවසුවේ, “සොලමන් (දාවිත්ගේ පුත්) තුමා පැවසුවේ, 'අද රාත්‍රියේ මම (මගේ) භාර්යාවන් හැත්තෑ දෙනෙකු සමඟ නිදාගන්නෙමි, ඔවුන් සෑම කෙනෙකුම අල්ලාහ්ගේ අරමුණ වෙනුවෙන් සටන් කරන නයිට්වරයෙකු වන දරුවෙකු පිළිසිඳ ගනු ඇත. ' ඔහුගේ සහකාරිය, ‘අල්ලාහ් කැමති නම්’ යැයි කීවේය. එහෙත් සලමොන් එසේ කීවේ නැත; එබැවින් අඩ දරුවෙකු ප්‍රසූත කළ එක් ස්ත්‍රියක් හැර එම ස්ත්‍රීන් කිසිවෙක් ගැබ් ගත්තේ නැත.” නබි ﷺ (සල්ලල්ලාහු අලෙයිහි වසල්ලම්) තවදුරටත් පැවසුවේ, "සොලමන් නබිතුමා එය ප්‍රකාශ කළේ නම් (එනම් 'අල්ලාහ් කැමති නම්') ඔහු අල්ලාහ්ගේ මාර්ගයෙහි සටන් කරන දරුවන් බිහි කරනු ඇත."

Sahih al-Bukhari, 3424

යමෙක් "ඉන් ෂා අල්ලාහ්" යැයි පැවසූ විට ඔහුගේ පැතුම සහ අවශ්‍යතාවය ඉටු වීමට ඇති ඉඩකඩ වැඩි බවට මෙය සාක්ෂියකි. කෙසේ වෙතත්, මෙය සෑම විටම අවශ්ය නොවේ. අල්ලාහ් කැමති නම් එය ඉටු වනු ඇත. අහිමි වීම වෙස්වළාගත් ආශීර්වාදයක් විය හැකි බව සැලකිල්ලට ගත යුතුය.

(...) නුඹලා යමක් පිළිකුල් කළ හැක. නමුත් එය නුඹලාට යහපතක් විය හැකිය. නුඹලා යමක් ප්‍රිය කළ හැක නමුත් එය නුඹලාට හානිදායක විය හැකිය. අල්ලාහ් (සියල්ල) දන්නේය. නමුත් නුඹලා නොදන්නෙහුය.

කුරාන් - 2:216

(තේරුම අර්ථ නිරූපණය කිරීම)

මූලාශ්රය: islamweb.net · islamweb.net
පරිවර්තනය කළා: Asma Haniffa